«Бәйтерек» монументіндегі жүріп-тұруы шектеулі топтарға арналған ақпарат

Мүгедектігі бар адамдар мен ЖТШТ (жүріп-тұруы шектеулі топтар) үшін қолжетімді қызметтер тізбесі:

Монумент аумағында қолжетімділікті қамтамасыз ету шаралары іске асырылуда, оның ішінде жеңілдікпен бару жағдайларын ұсыну, жауапты қызметкерлердің сүйемелдеуін ұйымдастыру, арнайы көтергіш жабдықтарды пайдалану, сондай-ақ нысан ішінде кедергісіз қозғалысты қамтамасыз ететін инфрақұрылым элементтерінің болуы.

Мүгедектігі бар адамдар мен ЖТШТ-ға қызмет көрсету тәртібі:

Келудің барлық кезеңдерінде ЖТШТ-ны сүйемелдеу қамтамасыз етіледі:

Сүйемелдеуді жауапты қызметкер дабыл түскен сәттен бастап жүзеге асырады.
Қызметкер келушіні кіреберісте күтіп алады, оның қажеттіліктері мен қозғалыс бағытын нақтылайды.
Кіру кезінде, көтергіш құрылғылар мен лифтілерді пайдалануға көмек көрсетіледі. Нысан бойынша, оның ішінде шынжыр табанды көтергішті пайдалана отырып (қажет болған жағдайда) жоғарғы деңгейге көтерілуді қоса алғанда, қауіпсіз қозғалыс қамтамасыз етіледі.
Қызметкер келушіні қарап шығудың барлық кезеңдерінде сүйемелдейді, қажет болған жағдайда отыруға/түсуге және нысан ішінде бағдарлануға көмектеседі. Сапар аяқталғаннан кейін шығуға немесе көлік құралына дейін сүйемелдеуді қамтамасыз етеді.
Нысанның клиенттерге қызмет көрсету қызметінде мүгедектігі бар адамдарға басымдықпен қызмет көрсету қарастырылған. Келушілерге қызметкерлер тарапынан ақпараттық және консультациялық қолдау көрсетіледі.
Негізгі қозғалыс бағыттары бойынша еркін өтуді және бару аймақтарында уақытша кедергілердің болмауын бақылау қамтамасыз етіледі. Қажет болған жағдайда сұраныс бойынша нысан қызметкерлері келушілерді жеке сүйемелдеуді ұйымдастырады.
Нысан персоналы мүгедектігі бар адамдар мен халықтың жүріп-тұруы шектеулі топтарына нысанға баруға байланысты барлық мәселелер бойынша, оның ішінде қозғалыс тәртібі, қолжетімді қызметтер мен болу шарттары туралы толық және егжей-тегжейлі ақпарат беруді қамтамасыз етеді.

Мүгедектігі бар адамдардың әрбір санаты үшін жағдайлық көмек көрсетудің кепілдендірілген уақытын көрсете отырып, жағдайлық көмек көрсету тәртібі:

Санаттар	Көмек көрсету тәртібі	Кепілдендірілген уақыт
Тірек-қимыл аппараты бұзылған адамдар (оның ішінде кресло-арбадағылар)	– Кіреберісте күтіп алу, шақыру түймесін басу; – Ғимарат бойынша сүйемелдеу; – Көтерілу/түсу, есіктерді ашу кезінде көмектесу; – Қажет болған жағдайда — кресло-арба немесе ассистент ұсыну.	Шақырған/жүгінген сәттен бастап
Көру қабілеті бұзылған адамдар	– Кіреберісте күтіп алу және ауызша ақпарат беру; – Маршрутты сөзбен сипаттай отырып сүйемелдеу; – Құжаттарды рәсімдеуге көмектесу.	Жүгінген сәттен бастап. Сүйемелдеу — барлық қызмет көрсету барысында.
Есту қабілеті бұзылған адамдар	– Визуалды ақпараттандыру (табло, нұсқағыштар).	5 минутқа дейін (байланыс құралдарын іздеу қажеттілігін ескере отырып).
Зияткерлік және психикалық бұзылыстары бар адамдар	– Жеке сүйемелдеу; – Қызметкер келушіні қарап шығудың барлық кезеңдерінде сүйемелдейді, қажет болған жағдайда отыруға/түсуге және нысан ішінде бағдарлануға көмектеседі. Сапар аяқталғаннан кейін шығуға немесе көлік құралына дейін сүйемелдеуді қамтамасыз етеді.	Сүйемелдеу — қызметті алу аяқталғанға дейін.
I топтағы мүгедектігі бар адамдар	– Кіреберісте күтіп алу, шақыру түймесін басу; – Нысандарға барғанда және қызмет алғанда сүйемелдеу.	Келген кезде дереу.

Мүгедектігі бар адамдар мен ЖТШТ үшін ұйым қызметтерінің құны (ақылы негізде көрсетілген кезде) және төлеу шарттары:

І және ІІ топтағы мүгедектігі бар адамдарға, мүгедектігі бар балаларға, сондай-ақ І және ІІ топтағы мүгедектігі бар адамдарды сүйемелдейтін 1 (бір) адамға – кіру тегін.
ІІІ топтағы мүгедектігі бар адамдарға растайтын құжаттарды көрсеткен кезде кіру билеті құнының 50% мөлшерінде жеңілдік беріледі.

Қызметтердің сапа параметрлері:

Монумент штатында мүгедектігі бар адамдарға нысанға бару кезінде көмек көрсететін екі кезекші қызметкер жұмыс істейді.
Экскурсия бөлімінің және күзет қызметінің мамандары да мүгедектігі бар адамдарды сүйемелдеуге және көмек көрсетуге қатысады.
Кресло-арбадағы келушілердің ыңғайлылығы үшін Қонаев көшесі жағынан нысанға кіруді қамтамасыз ететін көтергіш платформа орнатылған.
Халықтың жүріп-тұруы шектеулі топтарын Монументтің шыңына (шарға) көтеру үшін үнемі техникалық қызмет көрсетуден өтетін және әрдайым жұмыс жағдайында болатын шынжыр табанды көтергіш орнатылған.
Адамдарды, оның ішінде мүгедектігі бар адамдарды тасымалдауды қамтамасыз ететін екі лифт бар.
Монументтің бірінші қабатында мүмкіндігі шектеулі жандарға қойылатын барлық талаптарға толық сәйкес келетін санитарлық торап орналасқан.
Қызмет көрсету уақыты: Шақырған/жүгінген сәттен бастап шығуға немесе көлік құралына дейін сүйемелдеуге дейін.
Қызмет көрсету уақытының ұзақтығы: (мәліметті қажетіне қарай қосасыз)

Ұйымның мүгедектігі бар адамдар мен ЖТШТ-ға қызмет көрсету кезінде ұсынатын жайлылық жағдайлары:

Достық көшесі жағынан бас кіреберіс арнайы даярланған персоналдың сүйемелдеуімен есту, көру, тірек-қимыл аппараты, ментальді бұзылыстары бар ЖТШТ үшін қолжетімді. Қонаев көшесі жағынан кресло-арбадағы мүгедектігі бар адамдар үшін кіру қамтамасыз етілген, өйткені Қонаев көшесі жағында көлденең электрлі мүгедектер көтергіші орналасқан.
Демалыс аймағы бірінші қабатта бас кіреберісте орналасқан. ЖТШТ үшін қолжетімді.
Бас холға кіреберістегі есіктердің ені – 100 см. Даярланған персоналдың сүйемелдеуімен қолжетімді.
Касса бас холға кіреберісте орналасқан. Кассалық бағанның биіктігі – 117 см.
Гардероб бас холға кіретін есіктің сол жағында орналасқан. Гардероб есігінің ені – 73 см, биіктігі – 85 см. ЖТШТ үшін қолжетімді.
Туристік ақпараттық орталық бар.
Кәдесый өнімдері бірінші қабатта орналасқан. Сөренің биіктігі – 95 см. ЖТШТ үшін қолжетімді.
Бірінші қабаттағы лифт көтерілісте орналасқан. Ені – 100 см. Тереңдігі – 235 см.
Бірінші қабаттағы лифтілерге көтерілетін пандустың ұзындығы – 2 м. Пандустың көлбеулігі 18.3%, даярланған персоналдың сүйемелдеуімен ЖТШТ үшін қолжетімді.
Кофехана екінші деңгейдегі Панорамалық аймақта орналасқан. Сөренің биіктігі – 95 см. ЖТШТ үшін қолжетімді.
Нысанның жоғарғы деңгейіне кіру Панорамалық залдан баспалдақпен қамтамасыз етілген. Жоғарғы деңгейде лифт қарастырылмаған. Кресло-арбадағы ЖТШТ-ның жоғарғы деңгейге қолжетімділігін қамтамасыз ету үшін шынжыр табанды көтергіш пайдаланылады. «Шар» аймағында ЖТШТ үшін кедергілер жоқ. Даярланған персоналдың сүйемелдеуімен ЖТШТ үшін қолжетімді.
«Аялы-Алақан» композициясының стенд аймағы даярланған персоналдың сүйемелдеуімен ЖТШТ үшін қолжетімді.

Мүгедектігі бар адамдар мен ЖТШТ үшін қолжетімді сервистік қызметтер:

Шынжыр табанды көтергішті пайдаланған кезде өзіңіздің кресло-арбаңызды жалғау мүмкіндігі бар.
Мүгедектігі бар адамдарға арналған дәретхана бөлмесі. Өлшемі: Дәретхана бөлмесі ойығының ені (94 см). Ойық кеңістігі есіктің іс жүзіндегі бос енін, яғни мүгедектер арбасының өтуіне мүмкіндік беретін енді білдіреді. Санузелден раковинаға дейінгі қашықтық – 150 см. Дәретхана бөлмесі бірінші қабатта орналасқан. Көмек шақыру түймесі ыңғайлы орналасқан. Унитаз алдындағы еденнің ұзындығы (унитаздың алдыңғы бөлігінен ең жақын кедергіге дейін) – 130 см. Еденнен унитаз отырғышының биіктігі – 50 см. Ені мен биіктігі кресло-арбадағы мүгедектігі бар адамның өтуіне мүмкіндік береді.

Іргелес аумақ бойынша мүгедектігі бар адамдар мен ЖТШТ-ның қолжетімді қозғалыс маршруттарының схемасы:

Тұрақ орнынан бас кіреберіске дейінгі қашықтық – 100 м.
Тұрақ орнынан кресло-арбадағы мүгедектігі бар адамдар үшін қолжетімді кіреберіске дейінгі қашықтық – 140 м.