«Бейбітшілік және келісім сарайындағы» жүріп-тұруы шектеулі топтарға арналған ақпарат

• Халықтың жүріп-тұруы шектеулі топтарына (ЖТШТ) арналған ақпарат

  1. Қолжетімді қызметтер тізбесі Бейбітшілік және келісім сарайының аумағында мүгедектігі бар адамдар мен ЖТШТ үшін қолжетімділікті қамтамасыз ету шаралары іске асырылуда. Оларға мыналар жатады:

  • Жеңілдікпен бару жағдайларын ұсыну.

  • Жауапты қызметкерлердің сүйемелдеуін ұйымдастыру.

  • Қозғалу үшін арнайы техникалық құралдарды пайдалану.

  • Нысан ішінде кедергісіз қозғалысты қамтамасыз ететін инфрақұрылым элементтерінің болуы.

  2. Қызметтер мен жағдайлық көмек көрсету тәртібі Мүгедектігі бар адамды сүйемелдеу келудің барлық кезеңдерінде қамтамасыз етіледі:

  • Қызметкердің келушіні кіреберісте күтіп алуы, қажеттілігі мен қозғалыс бағытын нақтылауы.

  • Ғимаратқа кіру/шығу, залдар бойынша қозғалу, билеттерді рәсімдеу және гардеробта қызмет көрсету кезінде көмек көрсету.

  • Сұраныс бойынша келушіні жеке сүйемелдеуді ұйымдастыру (дабыл түскен сәттен бастап жауапты гидтердің сүйемелдеуі).

  • Негізгі қозғалыс бағыттары бойынша еркін өтуді және бару аймақтарында уақытша кедергілердің болмауын бақылауды қамтамасыз ету.

  • Қызметкерлер тарапынан баруға, қозғалыс тәртібіне және қолжетімді қызметтерге байланысты барлық мәселелер бойынша ақпараттық және консультациялық қолдау көрсету.

  • Қарап шығудың барлық кезеңдерінде сүйемелдеу және сапар аяқталғаннан кейін ғимараттан шыққанға дейін нысан ішінде бағдарлануға көмек көрсету.

  • Концерт залында кресло-арбадағы келушілерге арнайы жабдықталған орындар қарастырылған.

  Көмек көрсету уақыты: Жағдайлық көмекті жауапты қызметкерлер келуші келген немесе оның персоналға жүгінген сәтінен бастап дереу көрсетеді.

  3. Қызметтердің құны және төлеу шарттары Қазақстан Республикасы азаматтарының келесі санаттары Бейбітшілік және келісім сарайына тегін кіру құқығына ие (растайтын құжаттарды көрсеткен жағдайда):

  • Ұлы Отан соғысының (ҰОС) қатысушылары мен мүгедектігі бар адамдары және оларға теңестірілген адамдар.

  • I және II топтағы мүгедектігі бар адамдар.

  • Мүгедектігі бар балалар.

  • I немесе II топтағы мүгедектігі бар келушіні сүйемелдейтін бір адамға кіру тегін ұсынылады.

  Жеңілдік шарттары:

  • III топтағы мүгедектігі бар адамдарға растайтын құжаттарды көрсеткен кезде кіру билеті құнының 50% мөлшерінде жеңілдік беріледі.

  • Физикалық мүмкіндіктері шектеулі адамдардың қатысуымен өтетін жобаларды ілгерілететін немесе ілгерілетуге жәрдемдесетін, кез келген ұйымдық-құқықтық басқару нысанындағы жеке және заңды тұлғаларға нысанның қызметтерін ұсынуға (экскурсиялардың барлық түрлерін қоспағанда) 20% жеңілдік қарастырылған.

  4. Қызметтердің сапа параметрлері

  • Қызмет көрсету ұзақтығы: Бейбітшілік және келісім сарайы бойынша стандартты шолу экскурсиясы 45 минутты алады.

  • Жайлылық жағдайлары және тұрмыстық аймақтар: Ғимаратта халықтың жүріп-тұруы шектеулі топтары мен мүгедектігі бар адамдардың жайлы пайдалануы үшін жабдықталған арнайы санитарлық тораптар (дәретханалар) қарастырылған.

  5. Көлік қолжетімділігі, тұрақ және іргелес аумақ

  • Қоғамдық көлік: Мекемеге қоғамдық көлікпен (№19, №40, №29/29А, №507 маршруттар) жетуге болады. Аялдама орындары ЖТШТ үшін жабдықталған, аялдамадан қолжетімді кіреберіске дейінгі бағыт 300 метрді құрайды.

  • Тұрақ және түсу: Аумақта мүгедектігі бар адамдардың автокөліктері үшін арнайы бөлінген тұрақ орындары қарастырылған.

  Іргелес аумақ бойынша мүгедектігі бар адамдар мен ЖТШТ-ның қолжетімді қозғалыс маршруттарының схемасы: – Тұрақ орнынан бас кіреберіске дейінгі қашықтық – 250 м.
  – Тұрақ орнынан кресло-арбадағы мүгедектігі бар адамдар үшін қолжетімді кіреберіске дейінгі қашықтық – 270 м.

  

6. Нысан ішіндегі қолжетімділік және өткізу қабілеті

7. Анықтама және жағдайлық көмек алу үшін байланыс мәліметтері Қажетті анықтамалық ақпаратты қолжетімді түрде алу, сондай-ақ қызметкерді шақыру үшін келесі байланыс нөмірлеріне хабарласуыңызды сұраймыз:

Телефон: +7 (7172) 57-03-76