Мүмкіндігі шектеулі жандар үшін «Бәйтерек монументіне» кіру

Бәйтерек монументінде мүмкіндігі шектеулі жандарға арналған келесі жағдайлар қарастырылған:

• ⁠Арнайы жеңілдіктер: I және II топтағы мүгедектер тегін кіруге құқылы. III топтағы мүгедектерге растайтын құжаттарды көрсеткен жағдайда 50% жеңілдік беріледі. I және II топтағы мүгедектерді ертіп жүретін бір адамға да тегін кіру мүмкіндігі қарастырылған.
• Лифт: Қонаев көшесі жағынан монументтің ішіне мүгедектер арбасымен кіруге мүмкіндік беретін арнайы лифт платформасы орнатылған.
• Шынжырлы көтергіш: Мүмкіндігі шектеулі топтарды монументтің шыңына (шарға) көтеру үшін шынжырлы көтергіш орнатылған. Ол үнемі техникалық тексеруден өтіп, әрдайым жұмыс істеп тұрады.
• Дәретхана: Монументтің бірінші қабатында мүмкіндігі шектеулі жандарға арналған барлық талаптарға сай дәретхана жабдықталған.
• ⁠Қолдау көрсету: Монумент қызметкерлерінің арасында көмек көрсететін арнайы қызметкер бар. Ол ерекше қажеттіліктері бар адамдардың объектіні кедергісіз аралауына көмектесіп, қажетті жәрдем көрсетеді.

Бұл жағдайлар мүмкіндігі шектеулі топтарды қоса алғанда, барлық азаматтарға монументті ыңғайлы әрі қолжетімді түрде тамашалауға мүмкіндік береді.